Aktivitete

Sommelieri më i mirë Shqiptar - 2019

2019-12-10T23:37:33+00:00

"Sommelieri më i mirë Shqiptar - 2019”

Në datat 6 dhe 7 dhjetor u zhvillua konkursi “Sommelieri më i mirë Shqiptar” 2019.

Konkurentët e ketij viti ishin : Mirela Bajrami, Enkeda Haxhiu, Irdi Lushi, Bledar Korkaj, Aldjola Lamaj, Saimir Ndreka, Gevin Gjoka, Donald Veliu dhe Klejdi Xheko.

Ditën e parë të konkurimit, pjesmarrësit fillimisht nisën me provën e degustimit të 2 verërave dhe 3 pijeve superalkolike , mëpas me testin teorik e me provën e shërbimit e cila ishte individuale.
Konkurentët pavaresisht përgatitjes paraprake të lartë, ishin të emocionuar përpara jurisë me pjesmarrje ndërkombëtare të Presidentit ASPI e ish kampjonit te botës (1978) z. Giuseppe Vaccarini, zv. Presidentit ASI z. William Wouters dhe themeluesit Club Sommelier e enogastronomit të famshëm z. Carmelo Sgandurra.

Në Juri moren pjese dhe znj. Silvana Hyseni e znj. Eldisa Zhebo, përveç organizatorit e drejtuesit teknik , Presidentit të O SH S, z. Dashamir Elezi.

Dita e dytë nisi me konkursin e verës Kallmeti Prestigj nën vëmendjen e enologut z. Ernest Melani.

Pasi shqyrtoi skedat e vlerësimit, Juria shpalli tre finalistet e konkursit, të cilët ishin: Enkeda Haxhiu, Irdi Lushi dhe Klejdi Xheko.

Konkurentet zhvilluan një shorte të zhvillimit të finales dhe mëpas u vazhdua me konkurimin me kohë të paracaktuar dhe në gjuhën angleze.

Pas provës së hapjes dhe shërbimit korrekt të shishes së verës me gaz , konkurentet u testuan edhe në provën e degustimit e përcaktimit të saktë të karakteristikave e prejardhjes së tre vererave dhe katër distilateve me kohëzgjatje 9 minuta.

Prova e dytë ishte e hapjes dhe shërbimit të verës si dhe pergatitja e kokteilit me kohëzgjatje 10 min duke vazhduar me korrigjimin e listës së verërave.

Pas përfundimit individual të çdo prove, në fund, të tre finalistët kishin për të përshkruar fotot te cilat ishin të njejta për të gjithë. Këto foto kishte lidhje me përcaktimin e njohjes së tyre për personazhe apo kantina kombëtare dhe ndërkombëtare.

Pas vleresimit të bërë nga Juria, vendin e parë e fitoi Irdi Lushi , të dytin Enkeda Haxhiu dhe të tretin Kejdi Xheko.

Për konkursin e verës shqiptare Kallmet Prestigj, deguatatori më i mirë u shpall z. Donald Veliu

I urojme suksese të gjithë pjesmarrësve dhe falenderojmë të gjithë mbështetësit e eventit më të rëndësishëm të vitit : kantinën Belba, kantinën Balaj, kantinën Caco, kantinën Derveni, kantinën Faba, kantinën Kallmeti, kantinën Herta, kantinën Hadaj , kantinën Labi wine, kantinën Menea Korça2000, kantinën Vreshti Pashait, Alehandro Distribution, Class Wines, Vintage , Eurolab group, Uji Lajthiza, Conad, InItaly, hotel Hilton Garden Inn Tirana, hotel Mondial Tirana, Agriturizëm Gjepali, restorant Green Park Altini , restorant Delano lounge Tirane.
Mbështetja e Triangle Media group, City Tv e City Radio Network ishin shumë të rëndësishme gjithashtu, në suksesin e këtij eventi.
Në mbrëmjen Gala të zhvilluar pas konkursit, ishim të nderuar nga pjesmarrja e disa institucioneve shtetërore të fushës së turizmit dhe nga ambasadorë të akredituar në Shqipëri.
Urojmë fituesve të kenë sa më shumë sukses në profesion dhe përditësim të vazhdueshëm në këyë fushë si dhe të gjithë të pranishmëve të mbrëmjes një fundvit të mbushur plot me atmosferë festive e gëzim!

Bulëzat në bregdet

2019-10-21T19:52:32+00:00

Aktiviteti i rradhës i Sommelierisë Shqiptare u zhvillua ne Durrës , sipas programit ku u shpjegua dhe u degustuan verërat me gaz.

Anëtarët e O SH S patën mundësinë të shijojnë një larmi verërash shqiptare, italiane e franceze të prodhuara me metodën tradicionale(champenoise) dhe atë charmat. U shpjegua nga Enol. Ernest Melani mënyra e prodhimit të verës me gaz Kallmet roze (nga Kantina Kallmeti në Lezhë) me metodën tradicionale , koha e rifermentimit, stabilizimi dhe ruajtja e saj. Të pranishmit e shijuan këtë verë , risi për Shqipërinë, dhe e vlerësuan shumë potencjalin e këtij kultivari tipik. Mëpas u shpjegua dhe u shijua nje verë Prosecco vigna Dogarina e prodhuar ne zonen tradicionale në provincen e Treviso(Itali) me metodën Charmat, e cila shprehte shumë qartë aromat fruktoze të këtij lloji.

Mëtej të pranishmit shijuan verën "Le Cave della Guarduccia" - verë "millesimato 2012" e prodhuar me teknikën champenoise nga prodhuesi Collefrisio(Itali), ku u mahnitën me elegancën, qëndrueshmërinë, freskinë dhe ekuilibrin e kësaj vere. Së fundmi, u shijua vera champagne Louis Roederer Brut Premiere e cila përfaqson shumë qartë cilësinë e lartë të këtij "maison" prodhues që në shekullin e 18të. Pjesmarrësve iu shpjegua edhe pak histori e këtij prodhuesi si dhe ndryshimi i kësaj champagne me nivelin më të lartë - Cristal !

Gjithashtu u shpërndanë edhe çertifikatat e anëtarëve që kaluan me sukses provimin pas trajnimit të nivelit parë.

Sommelieria Shqiptare falenderon për mbështetjen e vazhdueshme kompanitë Alehandro distribution, Vintage si dhe prodhuesin e verës Kallmet roze - kantina Kallmeti të cilët n'a mbështetën me verërat e shijuara.

Një falenderim i veçantë i shkon për anëtarin tonë , z. Agron Braho i cili është gjithnjë në dispozicion të O SH S . Gatimet veçanta të peshkut u përshtatën më së miri me verërat e degustuara. Falenderojmë të gjithë pjesmarrësit , anëtarët dhe të ftuarit e tjerë me të cilët kaluam një ditë fantastike në aspektin didaktik e miqësor nën diellin e ngrohtë e thuajse "veror" të stinës.

Konkursi "Sommelieri me i mire Shqiptar 2017"

2018-02-02T18:12:51+00:00

Në datën 8 dhe 9 nëntor 2017 u zhvillua në Tiranë, tek hotel Mondial kampionati “Sommelieri më i mirë shqiptar 2017”.

Morën pjesë 9 konkurentë : Ersol Caco, Irdi Lushi, Aldiola Lama, Myzafer Provinaj, Bujar Kurti, Saimir Ndreka, Evis Isufaj, Gevin Gjoka, Evald Domi, të cilët demostruan aftësitë e tyre profesionale jo vetëm në shijimin dhe përshkrimin e verërave por edhe në atë të birrave artizanale dhe të kafesë. Surpriza e gjysmëfinales ishte edhe degustimi i Kallmetit Prestigj 2015 ku konkurenti më i mirë në përshkrim dhe në njohjen më të saktë ishte zoti Ersol Caco.
Gjatë degustimit të birrës konkuruesit përshkruan jo vetëm karakteristikat e saj por edhe nje gatim shqiptar në përshtatje me birren. Përsa i përket kafesë vështirësitë ishin të disafishta sepse kërkohej jo vetëm përshkrimi teknik por edhe lloji i kafesë, prodhuesi si dhe mënyra e pjekjes së asaj lloj kafeje.
Dita e nesërme, ishte goxha emocionuese sepse do shpalleshin finalistët e konkursit, ku Juria teknike e përbërë edhe nga mjeshtrat botërorë të enogastronomisë, Prof. Celeste Di Lizio - kryetare e Jurisë; Prof. Somm. Rudy Rinaldi; Prof. Somm. Peer F.Holm; Prof. Somm. Dashamir Elezi; përvec Somm. Dritan Beqiri; Somm. Silvana Hyseni dhe Enol. Ernest Melani, vlerësoi që në finale do vazhdonin konkurimin z. Irdi Lushi, z. Bujar Tukuli dhe z. Ersol Caco.
Finalja u zhvillua nëpërmjet publikut pas një shorteu rastësor se kush do ishte i pari, ku sigurisht konkurentët nuk duhet të kishin njohuri për mënyrën e zhvillimit.
Përvec provave të parashikuara sipas programit, Juria teknike mund te ndërhynte në momente kritike të zhvillimit të finales duke ndërhyrë me pyetje shume specifike për argumenta te caktuar. Theksojmë se finalja u zhvillua në gjuhë zyrtare të ASI (me zgjedhje ndermjet anglisht, frengjisht ose spanjisht) dhe konkurentët ia dolën mbanë.
Vlerësimit të provave të zhvilluara nga gjithësecili prej konkurentëve, Juria vendosi që vendin e parë dhe fituesi i konkursit “Sommelieri më i mirë shqiptar 2017” te jetë z. Bujar Tukuli, vendi i dytë për z.Irdi Lushi dhe vendi i tretë për z. Ersol Caco i cili ishte gjithashtu edhe degustuesi më i mirë i verës Kallmet Prestigj 2015, cmim ky që i jepet nga prodhuesi i kantinës Kallmeti në Lezhë.
Pas konkursit, Juria teknike u mblodh për një degustim të hapur të verërave të ndryshme shqiptare ofruar nga dyqani Class Wine.
U vlerësuan me superlativë verërat e kantinave reciproke: Kantina Bardha, Sheshi I Zi e Mavrud 2014; Kantina Kallmeti, Prestigj 2012, Kantina Kallmeti, Prestigj 2015; Kantina Belba Kavalion 2012; Kantina Caco, Chardonnay 2016; Kantina Menea, Merlot 2010; Kantina Nurellari, Puls I Bardhe 2016; Kantina Herta, Trebbiano 2016; Kantina Balaj, Caberlot 2014.
Shumë emocionuese ishte mbrëmja Gala, e zhvilluar tek restorant Piazza në Tiranë ku morën pjesë mbi 100 të ftuar te ndryshëm, titullarë institucionesh dhe biznesesh shumë të suksesshëm të vendit. Në këtë mbrëmje autoritete të ndryshëm ndanë cmimet dhe vlerësuan punën e deritanishme të Sommelierisë Shqiptare në jetën shoqërore të vendit.
Organizata Shqiptare e Sommelierise falenderon gjithë anëtarët e saj që kanë kontribuar pozitivisht në zhvillimin e aktiviteteve në të mirë të fushës së enogastronomisë dhe të kombit tone.
Falenderojmë mbështetësit e sommelierisë shqiptare: Kantina Kallmeti, Kantina Caco, Kantina Belba, Kantina Balaj, Kantina Korca Menea, Class Wine, SEA Albania shpk, Enoteca Heritage, Alehandro Distribution Group, PortAlbania, për kontributin e tyre.
Gjithashtu një falenderim i vecante shkon për Hotel Mondial, Restorant Piazza në Tiranë dhe Eurosig-Insig Group të cilët janë mbështetës të fushës enogastronomike për rritjen cilësore të jetës shoqërore në vend.
Viti 2017 mund të quhet një vit shumë i suksesshëm i Sommelierisë Shqiptare dhe iu urojmë të gjithë anëtarëve dhe simpatizantëve të OSHS një vit të ri të mbare, cilësor e të begatë.
Sommelieria shqiptare është institucion i hapur për cilindo që dëshiron të ketë një zhvillim progresiv, teknik e profesional.
Respekte pë

r të gjithë e GEZUAR 2018!

Ceremonia e mbylljes se vitit 21.12.2016

2017-01-20T12:00:32+00:00

Ceremonia e mbylljes se vitit 21.12.2016

Ne date 21 Dhjetor , Organizata Shqiptare e Sommelierise organizoi mbremjen e fundvitit , e cila u shoqerua edhe nga ceremonia e shperndarjes se certifikatave per personat qe mbyllen me sukses ciklin 1 te trajnimit per Sommelier si dhe nivelin bazik.

O SH S falenderon gjithe pjesemarresit dhe ne vecanti anetaret e Sommelierise Shqiptare, Agjensine Kombetare te Zhvillimit dhe kantina Shqiptare qe moren pjese, dhe bene te undur organizimin e nje mbremje mbreselenese e te vecante , e cila shenoi mbylljen e nje viti te suksesshem per Sommelierine Shqiptare.

Nje vit tjeter plot evente na pret per 2017.

Mbledhja fondesh per femijet me aftesi te kufizuara

2016-12-05T16:51:49+00:00

Diten e djeshme O SH S , mori pjese ne mbremjen e organizuar nga United Nations Development Programme - UNDP, Bashkia Tiranë dhe Ministria e Mirëqenies Sociale dhe Rinisë, per nje mision teper fisnik: mbledhjen e fondeve per te ndihmuar dhe lehtesuar jetesen e femijeve me aftesi te kufizuara.

Sommelieria Shqiptare falenderon ne menyre te vecante Kantinen Bardha, Kantinen Belba, Kantinen Kallmeti, Kantinen Zika per kontributin e tyre ne kete eveniment social e njerezor.
Misioni fisnik i O SH S per mbeshtetjen e prodhimeve "Made in Albania" gjithmone ka qene perkrah atij human.

Panairi "Albanian Wines & Spirits" 18 Nentor 2016 Kopenhagen, Danimarke

2016-11-21T11:20:33+00:00

Organizata Shqiptare e Sommelierise ne bashkepunim me Ambasaden Shqiptare ne Danimarke ne daten 18 Nentor, organizoi nje promovim te vererave shqiptare ne Galerine Stand ne qender te Kopenhagen.

Ne kuadrin e festave kombetare te 28 dhe 29 nentorit, fale mbeshtetjes se ambasadorit shqiptar ne ne Danimarke, Z. Kastriot ROBO u be prezantimi dinjitoz i 6 kantinave shqiptare, Kantina "Kallmeti", "Belba", "Zika", "Caco", "Duka", "Skenderbeu"

Aktiviteti ishte nje promovim dhe degustim i verave dhe distilateve shqiptare me pjesemarrjen e mjaft importuesve të vererave nga Danimarka, media, sommelier nga skandinavia, restoratore dhe konsumatore te veres, si dhe trupi diplomatik i akredituar në Mbretërinë e Danimarkës.

Perfaqesimi nga ana e O SH S u be ne menyre profesionale dhe etike duke synuar promovimin dhe njohjen e veres shqiptare, si nje produkt i cilesise se larte Made in Albania, e duke krijuar kontaktet e para per hapjen e rruges se eksportit te verave shqiptare ne tregun skandinav.

Falenderim i vecante shkon per mbeshtetjen e ambasadorit te Republikës së Shqipërisë në Danimarkë, z. Kastriot Robo si dhe kantinave te mirënjohura shqiptare që morën pjesë.

Event "Wine Tasting ITALIALBANIA exellence" 28/09/2016

2016-10-10T17:37:49+00:00

Dhoma Italiane e Tregtisë në Shqipëri - CCIA, Organizata Shqiptare e Sommelierise, Plaza Hotel Tirane, ALBANIA AGSM Holding në bashkëpunim me Doc Itali, organizuan eventin "Wine Tasting ITALIALBANIA excellence",diten e djeshme, daten 28 shtator.

Ky event synoi në edicionin e tij të parë, të paraqiste në Tiranë verat cilesore italiane dhe shqiptare.
Profesionalizmi i Sommelierise Shqiptare , përfaqësuar nga presidenti i saj Dashamir Elezi dhe sommelieret profesioniste ju kushtua perfaqesimit dinjitoz dhe etik te verave me cilesore shqiptare (kantina Kallmeti - Lezhe, Zika - Tepelene, Nurellari - Berat, Belba - Kavajë) dhe atyre veroneze
(Kantina Buglioni, Cantina del Castello, Gjykata Adami, Gjykata Figaretto, Stefano Accordini, Valentina Cubi, Zamuner)
Por sigurisht nga ana tjetër, një ngjarje e tillë ishte gjithashtu një mundësi për të shkëmbyer ide me investitorët e mëdh enj italiane në Shqipëri të cilat janë definitivisht investitorët më të rëndësishme të huaja në Shqipëri.

Ndër të tjera vizitoret e shumte ishin sommeliere shqiptare dhe te huaj, vereprodhues, pjese e fushes se restoracionit dhe hotelerise si dhe dashamires te veres.
Ky event ishte përveç degustimit te disa verëra të mrekullueshme, edhe një mundesi per tërheqjen e investimeve të huaja, si dhe nje mundesi shume e mire bashkepunimi mes prodhueseve te veres dhe sektorit te restoracionit.

Degustimi i verave te bardha shqiptare

2016-09-19T09:56:25+00:00

Ne daten 10 shtator Organizata Shqiptare e Sommelierise organizoi nje aktivitet ne kuader te njohjes dhe promovimit te produkteve tipike shqiptare. Ne ambientet e dyqanit te degustimit te verave "Class Wines" u degustuan 10 lloje vererash te bardha te kantinave shqiptare: "Nurellari", "Kallmeti", "Balaj", "Belba", "Derveni", "Caco" , "Bardha", "Korca 2000", "Vreshti i Pashajit". Mbremja mblodhi se bashku prodhues vererash, anetare dhe miq te sommelierise si dhe pjesetare te restoracionit ne Shqiperi. Duke falenderuar pjesemarresit, dyqanin "Class Wines" si dhe "Restorant InPuglia", O SH S ju mirepret ne aktivitetet e tjera.

Vizite tek kantina Duka

2016-07-19T13:20:18+00:00

Vizite tek kantina Duka

Ne daten 15 Korrik Sommelieria Shqiptare organizoi eventin e rradhes, vizite didaktike tek kantina Duka dhe nje darke degustuese tek AgriTourism Huqi.

Ne vazhdimesine e aktiviteteve kalendarike per njohjen e vereprodhueseve shqiptare, anetaret e O SH S paten mundesi te degustojme tre verera te kantines Duka: Merlot, Tempranilo, Cabernet.

Ne fund aktiviteti u mbyll me nje darke degustuese tek AgriTourism Huqi nen nje atmosfere teper te vecante.

Pjesemarrja e O SH S ne Asamblene e Pergjithshme, Beograd 2016

2016-06-15T12:35:37+00:00

Ne datat 3-5 qershor presidenti i O SH S, z. Dashamir Elezi, perfaqesoi Organizaten Shqiptare te Sommelierise ne Beograd gjate mbajtjes se Asamblese se Pergjithshme te ASI.

Gjate diskutimeve u preken tematika te ndryshme, duke filluar nga Kampionati Europian 2017 dhe deri tek zhvillimet me te fundit te pjesetareve te ASI, kampionati boteror i Mendozes, kampionatet Aziatike dhe Amerikane, si dhe pjesemarrja e vendeve dhe anetareve te rinj te ASI.

Njekohesisht u festua ditelindja e 47-te e ASI (Association de la Sommellerie Internationale) ne te cilen Sommelieria Shqiptare ben pjese me te drejta te plote qe prej vitit 2009.